НИТХ-ын зөвлөлийн хуралдаан боллоо. Уг хуралдаанд зөвлөлийн гишүүдээс гадна дүүргийн иргэдийн төлөөлөгчид болон Засаг дарга нар оролцов.
Энэ үеэр Нийслэлийн 2024 оны төсвийн төслийн тухай асуудлыг Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч П.Сайнзориг, Нийтийн эдэлбэр газрын байршил, хэмжээг тогтоох тухай асуудлыг Нийслэлийн Газар зохион байгуулалтын албаны дарга Г.Батзориг нар тус тус танилцуулж, хэлэлцүүлсэн юм.
Хэлэлцүүлсэн асуудалтай холбоотойгоор дүүргийн Засаг дарга нар асуулт асууж, НИТХ-ын төлөөлөгчид санал хэлэв. Ийн төлөөлөгчид олонхын саналаар Нийслэлийн 2024 оны төсвийн төсөл болон Нийтийн эдэлбэр газрын байршил, хэмжээг тогтоох тухай асуудлыг НИТХ-ын ээлжит XX хуралдаанаар хэлэлцэхийг дэмжлээ.
