“Зөвлөлдөж шийдье” зөвлөлдөх санал асуулгын хоёр дахь шат Төрийн ордонд эхэллээ. Зөвлөлдөх санал асуулгыг УИХ-ын дарга Г.Занданшатар нээж үг хэлэв. Энэ удаагийн Зөвлөлдөх санал асуулга улс орны нийгэм, эдийн засгийн тулгамдсан асуудлыг иргэдийн туслалцаатайгаар тодорхойлж, эрэмбэ, шийдвэрлэх арга зам, гаргах шийдвэрийн талаар зөвлөлдөх, үндэсний зөвшилцлийг хангах зорилготой.
