“Тавантолгой“ХК нь “Тавантолгой төмөр зам” ХХК-тай “Төмөр замаар нүүрс тээвэрлэх гэрээ”-г байгуулсан билээ. Гэрээний дагуу нүүрс тээвэрлэлтийн анхны тээврийг эхлүүлж, 22 вагон 44 чингэлэг бүхий нийт 1395 тонн нүүрсийг Тавантолгой өртөөнөөс Гашуун сухайт өртөө чиглэлд тээвэрлэж эхлээд байна.
Цаашид 2023 онд нийт 500 мянган тонн нүүрсийг төмөр замаар тээвэрлэхээр тохиролцжээ. Экспортод гаргах нүүрсийг төмөр замаар тээвэрлэснээр авто замын тээвэртэй харьцуулахад тээврийн зардал хоёроос гурав дахин буурч, байгаль орчинд эерэг нөлөөтэй, эдийн засагт өндөр ач холбогдолтой юм.
