Хүнс, хөдөө аж ахуй, хөнгөн үйлдвэрийн яамны Төрийн нарийн бичгийн дарга Т.Жамбалцэрэн Олон улсын валютын сангийн Ахлах эдийн засагч И Ву тэргүүтэй төлөөлөгчдийг хүлээн авч уулзав.
Тус уулзалтаар Ковид-19 цар тахлын үр дагавар, геополитикийн зөрчилдөөн болон цаг уурын өөрчлөлт зэрэг нь хөдөө аж ахуйн салбарт хэрхэн нөлөөлж, ямар эрсдэл, сорилттой тулгарч байгаа, эдгээр саад бэрхшээлийг даван туулахад Монгол Улсын Засгийн газар ямар арга хэмжээ авч байгаа талаар санал солилцлоо.
Монгол Улсын Ерөнхийлөгчийн санаачилсан “Хүнсний хангамж, аюулгүй байдал” Үндэсний хөдөлгөөн, УИХ-ын 2022 оны “Хүнсний хангамж, аюулгүй байдлын талаар авах зарим арга хэмжээний тухай” 36-р тогтоол, түүний хэрэгжилт, цаг уурын өөрчлөлтөд тэсвэртэй газар тариалан, мал аж ахуйг бий болгоход төрөөс баримтлаж буй бодлогын талаар дэлгэрэнгүй ярилцаж, улмаар хөдөө аж ахуйн салбарын эдийн засагт үзүүлж буй үр нөлөө, 2023 оны төлөв байдлыг тодорхойлох зорилготой уулзалт болов.
